Friday, 2 January 2015

ಗಾಳಿಗೋಪುರ

ಆಹಾ!... ಎಂತಹ ಸೊಗಸು... 
ಕನಸು ಕಾಣಲು ಕೊಡಬೇಕೇ ಕಾಸು,
ಇಷ್ಟು ತಿಳಿದ ಮೇಲೆ ಬಿಡವುದೇ ಮನಸು,
ಬೆಳೆದಿತ್ತು ನನ್ನ ಕನಸಿನ ವಯಸ್ಸು,
ಮಡಿಲಲ್ಲಿ ಎರಡು ಕೂಸು... 

ಒದ್ದು ಎಬ್ಬಿಸಿತು ವಾಸ್ತವದ ಬಿಂಬ,
ಎದ್ದು ನೋಡಿದ ನನಗೆ ಆಶಾಭಂಗ,
'ಅವಳಿಲ್ಲ', 'ಮಗಳಿಲ್ಲ', ನಾನು ಒಂಟಿ,
 ಸುತ್ತಲಿನ ಕೆಲಸ ನನಗೆ ಜಂಟಿ,

ಕನಸಿನಲ್ಲಿ ಕಟ್ಟಿದ್ದು ನಾ ಗಾಳಿಗೋಪುರ,
ಬಹು ಸುಂದರ ಈ ಪ್ರೇಮ ಮಂದಿರ,
ಬಳಲಿದ ಮನಕ್ಕಿದು ಒಲವಿನ ಬಿಡಾರ,
ಬಲ್ಲೆ, ಇದು ಕನಸು, ಇದಕ್ಕಿಲ್ಲ ನೆಲೆ,

ಆದರಿಲ್ಲೇ ಜೀವಿಸುವೆ... ಗಾಳಿಗೋಪುರ ಇದ್ದರೂ ... ಬಿದ್ದರೂ