Wednesday, 11 June 2014

paristhithi

ಪರಿಸ್ಥಿತಿ 


ಕುಳಿತಿದ್ದೆ ನಾನು ಮರದಡಿ .... ಸುತ್ತ ಮುತ್ತಲ ಚೆಲುವ ಸವಿಯುತ.. 
ಹಕ್ಕಿ ಪಕ್ಷಿಗಳ ಕಲರವ... ಗಾಳಿಯ ಮಧುರ ನಿನಾದವ  ಆನಂದಿಸುತ ... 

ಕೇಳಿಸಿತು ಆರ್ತನಾದ "ಅಮ್ಮಾ" ಎಂದು ... 
ತಿರು ತಿರುಗಿ ನೋಡಿದರೂ ಕಾಣಿಸದು ಏನೊಂದೂ !!!!
ದೂರದ ದೃಶ್ಯವದು.... ಮುಸುಕಿದೆ ಮಂಜು  ... 
ಹೊರಟೆ ನಾ ... ಧ್ವನಿಯ ಜಾಡು ಹಿಡಿದು... 

ಬಿದ್ದು ಹೊರಳಾಡುತ್ತಿದೆ ಮುದಿ ಜೀವ ... 
ಮೈ ಮೇಲಿದೆ ಸಾವಿರಾರು ರಕ್ತದ ಕಲೆ ... 
ಅನಾಚಾರ, ಇರಿತ,ಹೊಡೆತ ತಿಂದಂತಿದೆ ಮೈಯಿನ ರೀತಿ 
ಆ ಮುದಿ ಜೀವದ ಹೆಸರು .. ಪ್ರೀತಿ !!!!

ನೋಡಿ ಸಹಿಸಲಾಗಲಿಲ್ಲ ... ಕಟ್ಟಿತು ಗಂಟಲು
ಪ್ರೀತಿಗೆ ಸಿಕ್ಕಿದೆ ಈ ಸ್ಥಿತಿ, 
ಅಹಂಭಾವ, ಜಾತಿ, ಜಂತುಗಳ ಹೊಡೆತಕ್ಕೆ ಸಿಕ್ಕಲು ... 
ಹಚ್ಚೋಣ ಎಂದು ತಂದಿರುವೆ ಮುಲಾಮು ... 
ಆದರೇನು ಮಾಡಲಿ 
ಪ್ರೀತಿಯೇ ಹೊಡೆಯುತ್ತಿದೆ ದ್ವೇಷಕ್ಕೆ ಸಲಾಮು !!!